ລົດຮຸ່ນໄດ ຕຳຄົນຈູງລົດຈັກ ເສຍຊີວິດ ແລ້ວຫຼົບໜີເຫດເກີດ ເວລາປະມານ: 21:43 ວັນທີ 6 ເມສາ 2018 ທີ່ທາງເຂດ ບ້ານສີວິໄລ​ ເມືອງໄຊທານີ ນະຄອນຫລວງ​ວຽງຈັນ​ ຜູ້​ເສຍຖືກຜົນກະທົບ ແມ່ນທ້າວບຸນຍົງ ອິນທະລາ ບ້ານຫນອງສ້າງທໍ່ ເມືອງຈັນທະບູລີ ນະຄອນຫລວງ​ວຽງຈັນ​

ຂໍ້ມູນໃຫ້ຮູ້ວ່າ ຜູ່ເສຍຊີວິດ ແລະ ເມຍໄດ້ພາກັນ ກັບມາແຕ່ບ້ານຫນອງພະຍາ ກັບເມຍ ມາຮອດ ບ້ານສີວິໄລ ຕີນລົດຮົ່ວລາວເລີຍຈູງລົດ ຊອກຮ້ານຈອດຢາງ ເມຍຍ່າງນຳກົ້ນ. ພໍມາຮອດຈຸດດັ່ງກ່າວ, ລົດຮຸນໄດ ຂີ່ມາດ້ວຍຄວາມໄວ ໄດ້ຕຳເອົາຜູ່ເປັນຜົວທີ່ຈູງລົດຈັກ ດ້ານຫຼັງ ເຮັດໃຫ້ ຜູ່ເປັນຜົວຟົ້ງໄປຕຳຕີນລົດ ທີ່ຈອດຢູ່ແຄມທາງ, ແລ້ວລົດ ຮຸນໄດ້ຢຽບຊໍ້າ ກ່ອນຈະຂີ່ລົດລົບໜີໄປ.

ທ່ານໃດ ຮູ້ເບາະແສ ຫຼື ທັນເຫັນ ປ້າຍລົດດັ່ງກ່າວ ຊ່ວຍແຈ້ງໃຫ້ດ້ວຍ, ຫຼື ຜູ່ທີ່ຂີ່ລົດຄັນດັ່ງກ່າວ ຫາກໄດ້ເຫັນຂ່າວ ຂໍໃຫ້ຕິດຕໍ່ມອບຕົວດ່ວນ!

ເບີໂທຕິດຕໍ່ 02055999835​

ສະຫວັນນະເຂດ: ເວລາປະມານ 22:00​ ຄືນວັນທີ 6 ກຸມພາ 2018, ເກີດເຫດ ລົດເກງຕໍາລົດຈັກ ແລ້ວລົບໜີ ທີ່ແຍກຍາພໍ່ໝອກ,​ ບ້ານທ່າເມືອງ, ເມືອງໄກສອນ ແຂວງສະຫວັນນະເຂດ. ໃນຂະນະດຽວກັນ ມີພົນລະເມືອງດີ ຊາຍສອງຄົນ ໄດ້ຂີ່ລົດໄລ່ຕາມ ແຕ່ລົດເກງຄັນດັ່ງກ່າວບໍ່ຍອມຈອດ ພ້ອມທັງຂີ່ໜີ ຢ່າງໄວວາ, ແຕ່ສອງບ່າວ ກໍ່ໄລ່ຕາມ ຈົນສາມາດ ຖ່າຍຄລິບ ລົດ ແລະ ປ້າຍ ເພື່ອມາມອບ ໃຫ້ກັບ ເຈົ້າໜ້າທີ່ ແລະ ຄອບຄົວ ຂອງຄູ່ກໍລະນີ ລົດຈັກທີ່ຖືກຕຳ.


ລົດຈັກທີ່ຖືກຕຳແມ່ນທະບຽນ ສະຫວັນນະເຂດ ຍກ 8282, ຜູ່ຂັບລົດເພດຊາຍ ເຈັບສາຫັດສົມຄວນ. ເຊິ່ງທາງກູ້ໄພແຂວງສະຫວັນນະເຂດ ໄດ້ນໍາສົ່ງໂຮງໝໍ ແລະ ຄອບຄົວແມ່ນໄດ້ຮັກສາປິ່ນປົວທີ່ໂຮງໝໍແລ້ວ.

ລົດເກງທີ່ໜີ ແມ່ນລົດ Hyundai Sonata ທະບຽນ ສະຫວັນນະເຂດ ກຄ 5687, ເຊິ່ງທາງຄອບຄົວລົດຈັກທີ່ຖືກຕຳ ແມ່ນ່ກຳລັງປະສານງານ ຕິດຕາມຜູ່ຕຳແລ້ວໜີ ມາດຳເນີນຄະດີ.


ຊົມເຊີຍພົນລະເມືອງດີ ທັງສອງທ່ານ ທີ່ຊ່ວຍ ຕິດຕາມລົດທີ່ຕຳແລ້ວໜີ,​ ແລະ ຮຽກຮ້ອງໃຫ້ເຈົ້າໜ້າທີ່ ຕ້ອງລົງໂທດຢ່າງໜັກໆ​ກໍລະນີ ຕຳແລ້ວໜີ ແບບນີ້.