ທ່ານໃດ​ທີ່​ມັກ​ຮັກ​ໃນ​ການ​​ຂີ່​ລົດຖີບ​ເຊີນ​ໄດ້​ເດີທີ່​ແຂວງ​ສະ​ຫວັນນະ​ເຂດ​ ຈະ​ມີຄາ​ລະວາ​ນ​ໃຫຍ່​ສະ​ເພາະ​ລົດຖີບ​ປະມານ 1.000 ຄັນ ຈາກ​ລາວ ​ແລະ ​ໄທ​ເຂົ້າຮ່ວມ ​ເພື່ອ​ສ້າງ​ສີສັນ​ສະຫລອງ​ປີ​ທ່ອງ​ທ່ຽວ​ລາວ 2018 ​ໃນ​ໄລຍະ​ທາງ 40 ກິ​ໂລ​ແມັດ.

ຄາ​ລະວາ​ນດັ່ງກ່າວ​ຈະ​ມີ​ຂຶ້ນ​ໃນ​ວັນ​ທີ 25 ກຸມພາ​ນີ້ ທີ່​ແຂວງ​ສະຫວັນ​ນະ​ເຂດ. ຕາມ​ການ​ເປີດ​ເຜີຍ​ຂອງ​ເຈົ້າໜ້າ​ທີ່​ກ່ຽວຂ້ອງ ພະ​ແນ​ກຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ​ໃຫ້​ຮູ້​ວ່າ: ທາງ​ແຂວງ​ສະຫວັນ​ນະ​ເຂດ​ໄດ້​ປຶກສາ​ຫາລື​ຮ່ວມ​ກັບ​ໄທ​ ​ໃນ​ອາທິດ​ແລ້ວ​ນີ້ ມີ​ການ​ຢືນຢັນ​ຜູ້​ຈະ​ເຂົ້າຮ່ວມ​ຂະ​ບວນຄາ​ລະວາ​ນປະມານ 700 ຄົນ, ສ່ວນ​ເບື້ອງລາວ​ຄາດ​ວ່າ​ຈະ​ມີ​ຢ່າງ​ໜ້ອຍ 100 ຄົນ​ເຂົ້າຮ່ວມ​ງານ​ດັ່ງກ່າວ.

ອັບເດດເພີ່ມເຕີມກ່ຽວກັບການສະເໜີທົ່ງໄຫຫີນເປັນມໍລະດົກໂລກແຫ່ງທີ 3 ໂດຍລ່າສຸດ ທ່ານ ທອງລຸນ ສີສຸລິດ, ນາຍົກລັດຖະມົນຕີ ໃນນາມລັດຖະບານແຫ່ງ ສປປ ລາວ ໄດ້ລົງລາຍເຊັນຮັບຮອງຄຳຮ້ອງ ແລະ ແຜນແມ່ບົດປົກປັກຮັກສາຄຸ້ມຄອງທົ່ງໄຫຫີນ ແຂວງຊຽງຂວາງ ສະເໜີຕໍ່ອົງການ UNESCO ທີ່ປາຣີ ປະເທດຝຣັ່ງ ເພື່ອເອົາເຂົ້າເປັນມໍລະດົກໂລກ ແຫ່ງທີ 3 ຂອງ ສປປ ລາວ .

ຂໍ້ມູນ-ພາບ: ສາລາກາວີ ງົວ ແລະ ກວຽນ

ທ່ານສົມພົງ ​ເດ​ດວຽງ​ໄຊ ປະທານ​ສະມາຄົມ​ທ່ອງ​ທ່ຽວລາວ ​ໃຫ້ການ​ຢືນຢັນ​ວ່າ ຄະນະ​ກໍາມະການ​ບໍລິຫານ​ງານ​ຂອງ​ສະມາຄົມ​ທຸລະ​ກິດ​ທ່ອງ​ທ່ຽວລາວ ​ໄດ້​ມີ​ມະຕິ​ຢ່າງ​ເປັນ
​ເອກະ​ພາບ​ແລ້ວ​ວ່າ ຈະ​ຈັດ​ກິດຈະ​ກໍາ​ລະດັບ​ຊາດ 3 ລາຍການ ​ເພື່ອ​ເປັນ​ການ​ສົ່ງ​ເສີມ​
ປີ​ການທ່ອງທ່ຽວຈາກ​ພາກ​ເໜືອ ລົງ​ໄປ​ຍັງ​ພາກ​ໃຕ້ ​ໃນ​ຊ່ວງ​ເດືອນ​ກຸມພາ ຕໍ່ດ້ວຍ​ການ​
ຈັດການ​ແຂ່ງຂັນ​ລົດ​ວິບາກ Off Road ​ໃນ​ຊ່ວງ​ເດືອນ​ມິຖຸນາ ​ໂດຍ​ຈະ​ເຊີນ​ເອົາ​ນັກ​ທ່ອງ​ທ່ຽວຈາກ​ປະ​ເທດ​ເພື່ອນ​ບ້ານ​ເຂົ້າຮ່ວມ​ອີກ​ດ້ວຍ. ສ່ວນ​ກິດຈະ​ກໍາ​ປິດ​ທ້າຍ ກໍ​ຄື​ການທ່ອງ
ທ່ຽວທໍາ​ມະ​ຊາດ ​ແບບ​ພັກ​ຄ້າງ​ຄືນ Camping ຢູ່​ຕາມ​ອຸ​ທະຍານ​ແຫ່ງ​ຊາດ​ຕ່າງໆ ​ໃນ​ທົ່ວ​
ປະ​ເທດ​ລາວ ດັ່ງ​ທີ່​ທ່ານ​ສົມພົງ​ໄດ້ ຢືນຢັນ​ວ່າ:
“ພວກ​ເຮົາຈະ​ຮ່ວມ​ກັບ​ພາກສ່ວນ​ທີ່​ກ່ຽວຂ້ອງ ເພື່ອຈັດ​ຂະ​ບວນການ​ຄາ​ຣາ​ວານ​ລາວ
ທີ່​ລາວ​ນີ້ ​ໂດຍ​ຈະ​ເຊື່ອມ​ເຂົ້າ​ໄປ​ທາງ​ເໜືອ ລົງ​ທາງ​ໃຕ້ ​ແລະ​ການຈັດການ​ແຂ່ງຂັນ
ປະ​ເພດ Off Road ສັງຄົມ​ກະສິ​ໄດ້​ຮັບ​ຮູ້​ຜ່ານ​ມານີ້ຈໍານວນ​ນຶ່ງ ​ເພາະວ່າ​ການ​ແຂ່ງຂັນ​
ອັນ​ນີ້ ມັນ​ກະ​ມີ​ສອດ​ແຊກ​ເລື່ອງ​ການທ່ອງທ່ຽວ​ໄປ​ນໍາ. ອັນ​ນີ້ພວກ​ເຮາ​ກາ​ຊິ​ຈັດ​ຮ່ວມ​
ກັບປະ​ເທດ​ອ້ອມ​ຂ້າງ ​ເຊັ່ນ​ຕົວຢ່າງ​ຫວຽດນາມ, ​ໄທ, ກໍາປູ​ເຈຍ, ຫລື​ວ່າ​ບາ​ວ​ເທື່ອ​ອາດ​
ຈະ​ໄປ​ຮອດ​ມາ​ເລ​ເຊຍ. ກ່ຽວກັບ​ຕົວ​ທີ 3 ນີ້ ພວກ​ເຮົາ​ກໍ​ຍັງ​ຄົ້ນຄວ້າ​ເຖິງ​ລາຍ​ລະອຽດ
ວ່າ ມັນ​ສິ​ເໝາະສົມ​ບ່ອນ​ໃດ. ອັນ​ນີ້ ກະ​ແມ່ນ​ການທ່ອງທ່ຽວ​ໃນ​ລັກສະນະ Camping.”

ທັງ​ນີ້ ເປົ້າໝາຍສຳຄັນຂອງການຈັດຕັ້ງປະຕິບັດແຜນການ​ໃນປີທ່ອງທ່ຽວລາວ 2018
ກໍ​ຄືດຳເນີນມາດຕະການຢ່າງຮອບດ້ານເຂົ້າໃນການພັດທະນາປັບປຸງ ເພື່ອຍົກລະດັບ
ຄຸນນະພາບທາງດ້ານການທ່ອງທ່ຽວຂອງລາວ ໃຫ້ໄດ້ມາດຕະຖານສາກົນດ້ວຍການ
ເພັ່ງເລັງໃສ່ການຄຸ້ມຄອງສະຖານບັນເທີງ ແລະບໍລິການຕ່າງໆ ເພື່ອໃຫ້ດຳເນີນທຸລະ
ກິດຕາມລະບຽບກົດໝາຍຢ່າງເຂັ້ມງວດ ທັງຍັງຈະສ້າງນິຕິກຳໃໝ່ໆ ສຳລັບຄຸ້ມຄອງທຸ
ລະກິດການທ່ອງທ່ຽວໃນທົ່ວປະເທດດ້ວຍ

ທາງການລາວ ໄດ້ຈັດພິທີເປີດປີການທ່ອງທ່ຽວລາວ 2018 ຢ່າງເປັນທາງການໃນ
ແລງວັນທີ 28 ຕຸລາທີ່ຜ່ານມາ ໂດຍມີທ່ານ ທອງລຸນ ສີສຸລິດ ນາຍົກລັດຖະມົນຕີເປັນ
ປະທານໃນພິທີ ແລະ ໄດ້ຈັດຂຶ້ນໃນໂອກາດດຽວກັນກັບງານບຸນນະມັດສະການພະ
ທາດຫຼວງປະຈຳປີ 2017 ແລະ ໃນພິທີການຄັ້ງນີ້ກໍໄດ້ມີການເຊີນສື່ມວນຊົນ ແລະ
ແຂກຈາກປະເທດສະມາຊິກອາຊຽນ ແລະ ພູມີພາກອື່ນໆຈາກທົ່ວໂລກເຂົ້າຮ່ວມດ້ວຍ.

ໂດຍລັດຖະບານ ລາວ ໄດ້ວາງຄາດໝາຍທີ່ຈະດຶງດູດເອົາຊາວຕ່າງຊາດໃຫ້ເຂົ້າມາ
ທ່ອງທ່ຽວໃນ ລາວ ໃຫ້ໄດ້ຫຼາຍກວ່າ 5 ລ້ານຄົນ ແລະ ເຮັດໃຫ້ພາກບໍລິການໃນ ລາວ
ມີລາຍຮັບເກີນກວ່າ 900 ລ້ານໂດລາໃນຕະຫຼອດປີ 2018 ດ້ວຍການຈັດກິດຈະກຳ
ແລະ ງານບຸນປະເພນີຕ່າງໆໃນ 18 ແຂວງທົ່ວປະເທດເຊັ່ນ ການຈັດຄາຣາວານລົດ
ທ່ອງທ່ຽວແຕ່ເໜືອຮອດໃຕ້, ບຸນມະໂຫລານການສະແດງສິລະປະ ວັດທະນະທຳພື້ນ
ເມືອງບັນດາເຜົ່າ, ການແຂ່ງລົດວິບາກ, ກິດຈະກຳປີນໜ້າຜາ, ການຈັດງານວັນ ລາວ
ໃນຕ່າງປະເທດເຊັ່ນ ໄທ, ຫວຽດນາມ, ຍີ່ປຸ່ນ, ເຢຍຣະມັນ, ຝຣັ່ງ, ອັງກິດ ທີ່ທາງການ
ລາວ ເຊື່ອວ່າຈະດຶງດູດນັກທ່ອງທ່ຽວຕ່າງຊາດໄດ້ເປັນຢ່າງດີ.

ຍິ່ງໄປກວ່ານັ້ນ ທາງການ ລາວ ກໍໄດ້ຮັບການຢືນຢັນຈາກປະເທດສະມາຊິກໃນອາ
ຊຽນດ້ວຍກັນວ່າ ຈະໃຫ້ການຊ່ວຍເຫຼືອໃນການໂຄສະນາປະຊາສຳພັນປີການທ່ອງ
ທ່ຽວລາວ 2018 ຢ່າງກວ້າງຂວາງ ທັງຍັງຈະສົ່ງເສີມໃຫ້ພົນລະເມືອງຂອງຕົນເດີນ
ທາງມາທ່ອງທ່ຽວໃນ ລາວ ຫຼາຍຂຶ້ນອີກດ້ວຍ.

ແຕ່ຢ່າງໃດກໍຕາມ ໃນຕະຫຼອດປີ 2017 ນີ້ກໍຄາດວ່ານັກທ່ອງທ່ຽວຕ່າງຊາດຈະເດີນ
ທາງເຂົ້າມາໃນ ລາວ ຫຼຸດລົງເຖິງ 12 ເປີເຊັນທຽບໃສ່ປີ 2016 ໂດຍສະເພາະນັກທ່ອງ
ທ່ຽວຈາກປະເທດສະມາຊິກໃນ ອາຊຽນດ້ວຍກັນນັ້ນ ຖືເປັນກຸ່ມນັກທ່ອງທ່ຽວທີ່ເດີນ
ທາງເຂົ້າມາໃນ ລາວ ຫຼຸດລົງຫຼາຍທີ່ສຸດ ແລະ ເພື່ອຫຼຸດຜ່ອນບັນຫາດັ່ງກ່າວ ທາງການ
ລາວ ຈຶ່ງໄດ້ຮຽກຮ້ອງຕໍ່ລັດຖະບານຂອງປະເທດໃນອາຊຽນດ້ວຍກັນ ເພື່ອຂໍໃຫ້ມີການ
ສົ່ງເສີມພົນລະເມືອງໃນປະເທດຂອງຕົນໃຫ້ເດີນທາງເຂົ້າມາທ່ອງທ່ຽວໃນ ລາວ ເພີ່ມ
ຂຶ້ນໃນປີ 2018.

ທາງດ້ານສະມາຄົມວິໄຈການທ່ອງທ່ຽວອາຊຽນ (ATRA) ລາຍງານວ່າ ລາຍຮັບໃນ
ພາກການທ່ອງທ່ຽວຂອງ ລາວ ໃນປັດຈຸບັນມີລາຍຮັບຕໍ່າກວ່າອັດຕາສະເລ່ຍໃນກຸ່ມ
ອາຊຽນ ດ້ວຍກັນ ກໍຄືໃນຂະນະທີ່ລາຍຮັບການທ່ອງທ່ຽວຂອງອາຊຽນຢູ່ທີ່ອັດຕາສະ
ເລ່ຍ 12 ເປີເຊັນຂອງຍອດຜະລິດຕະພັນພາຍໃນ (GDP) ຫາກແຕ່ວ່າ ລາຍຮັບໃນ
ພາກການທ່ອງທ່ຽວຂອງ ລາວ ກັບຄິດເປັນອັດຕາສະເລ່ຍພຽງ 7 ເປີເຊັນຂອງ GDP
ເທົ່ານັ້ນ ແລະ ການທີ່ຈະດຶງດູດເອົານັກທ່ອງທ່ຽວຊາວຕ່າງຊາດໃຫ້ໄດ້ 5 ລ້ານກວ່າ
ຄົນໃນປີ 2018 ຈຶ່ງບໍ່ແມ່ນເລື່ອງ່າຍ.

ແຫຼ່ງຂ່າວຈາກ ເມືອງວັງວຽງ ແຂວງວຽງຈັນ ລາຍງານວ່າ ຢູ່ວັງວຽງໄດ້ມີການສ້າງຖະໜົນຄົນຍ່າງຂຶ້ນມາ ເພື່ອຕ້ອນຮັບແຂກບ້ານແຂກເມືອງໃນໂອກາດປີທ່ອງທ່ຽວລາວ 2018.

ໂຄງການຕະຫຼາດກາງຄືນວັງວຽງ Vangvieng Walking Street ເປັນໂຄງການທຳອິດທີ່ໃຊ້ເວລາເກືອບ 2 ປີ ໃນການສຳຫລວດຊອກຫາເສັ້ນທາງໃນຂອບເຂດຕົວເມືອງວັງວຽງເພື່ອສ້າງ ແລະ ໄດ້ຮັບອະນຸຍາດຈາກອຳນາດການປົກຄອງເມືອງວັງວຽງ ແລະ ທຸກໜ່ວຍງານທີ່ກ່ຽວຂ້ອງເຫັນດີພ້ອມດ້ວຍພໍ່ແມ່ພີ່ນ້ອງຈາກຮາກຖານເມືອງວັງວຽງໃນຂອບເຂດພື້ນທີ່ເສັ້ນທາງຕະຫຼາດດັ່ງກ່າວທີ່ພ້ອມພຽງຮ່ວມໃຈກັນສ້າງໂຄງການນີ້ຂຶ້ນເພື່ອເປັນຈຸດສູນລວມ ແລນມາກ ແຫ່ງໃໝ່ໃຫ້ກັບນັກທ່ອງທ່ຽວທີ່ຈະເຂົ້າມາທ່ຽວມາຊື້ສິນຄ້າຫັດຖະກຳ ສິນຄ້າໂອດ໋ອບ ທີ່ເປັນການຜະລິດຈາກຄົນພື້ນບ້ານຮາກຖານ ແລະ ສິນຄ້າທີ່ນຳເຂົ້າຈາກຕ່າງປະເທດພ້ອມກັບສິ່ງຂອງທີ່ລະນຶກໃຫ້ໄດ້ໄປຝາກໄປຕ້ອນຂອງນັກທ່ອງທ່ຽວທີ່ຈະເຂົ້າມາພັກຜ່ອນໃນຍາມຄຳ່ຄືນ ແລະ ເພື່ອຮອງຮັບການຂະຫຍາຍຕົວຂອງການພັດທະນາເສດຖະກິດຂອງປະເທດແບບຫັນປ່ຽນໃໝ່ໃຫ້ສາມາດຮັບເອົານັກທ່ອງທ່ຽວທັງພາຍໃນແລະຕ່າງປະເທດທີ່ຈະມາພ້ອມກັບສານຕໍ່ນະໂຍບາຍຂອງລັດຖະບານໃຫ້ສອດຄ່ອງເສີມສ້າງລາຍຮັບແກ່ປະເທດຊາດຈາກການປະກາດໃຫ້ເປັນປີທ່ອງທ່ຽວລາວ 2018 ນີ້ ເຊິ່ງພິເສດໄປກວ່ານັ້ນໃນອີກບໍ່ດົນເມືອງວັງວຽງຈະມີການສ້າງສະຖານີພັກລົດໄຟຄວາມໄວສູງ ລາວ-ຈີນ ພ້ອມກັບການສ້າງທາງດ່ວນຈາກ ວຽງຈັນ-ວັງວຽງ ໄລຍະທຳອິດກໍ່ຈະໃຫ້ແລ້ວທັນໃນສອງສາມປີໃນຕໍ່ໜ້າຍິ່ງເຮັດໃຫ້ເປັນການສະດວກສະບາຍສຳລັບນັກທ່ອງທ່ຽວທີ່ມາຈາກທົ່ວທຸກມຸມໂລກເຂົ້າມາທີ່ວັງວຽງຈິ່ງຕ້ອງມີແຫຼ່ງທ່ອງທ່ຽວເພື່ອຮອງຮັບໃຫ້ພຽງພໍໃນຕໍ່ຫນ້ານີ້ເປັນໂຄງການໜຶ່ງທີ່ຢາກນຳສະເໜີໂຄງການຕະຫຼາດກາງຄືນຈະເປີດໃຫ້ຈັບຈອງໃຫ້ເຊົ່າພື້ນທີ່ທົດລອງຂາຍໃນວັນທີ່ 15-16 ທັນວາ 2017 ນີ້ ແລະ ຈະເປີດເປັນທາງການໃນວັນທີ່ 29 ທັນວາ 2017 ທີ່ຈະມາເຖິງພ້ອມກັບງານນາງສາວງາມໝາກກ້ຽງຫວານເມືອງວັງວຽງ ແລະ ເພື່ອເປັນການສະເຫຼີມສະຫຼອງປີທ່ອງທ່ຽວລາວ 2018 ນີ້