ໃນໂອກາດນີ້ ທ່ານ ລຽນ ທີແກ້ວ ໄດ້ຮັບກຽດຕາງໜ້າໃຫ້ຂົງເຂດອາຊີ ເພື່ອຂຶ້ນມີຄຳເຫັນແລກປ່ຽນຕໍ່ທີ່ປະຊຸມ ກ່ຽວກັບ ກອງປະຊຸມລຶບລ້າງຄວາມອຶດຫີວຢ່າງສິ້ນເຊິ່ງ (Zero Hunger) ຫັນເອົາຄໍ້າໝັ້ນສັນຍາເປັນການປະຕິບັດຕົວຈິງ ເພື່ອບັນລຸເປົ້າໝາຍທີ 2 (SDG2) ຂອງການພັດທະນາແບບຍືນຍົງ ຄື: ເປົ້າໝາຍຂອງການລຶບລ້າງຄວາມອຶດຫິວຢ່າງສິ້ີ້ນເຊິງ ແມ່ນການສ້າງກໍາລັງສັງລວມ ໃນລະດັບສາກົນ ພາກພື້ນ ແລະ ລະດັບຊາດ ເພື່ອບັນລຸເປົ້າໝາຍທີ 2 ຂອງການພັດທະນາແບບຍືນຍົງ ເຊິ່ງໝາຍເຖິງການມີສ່ວນຮ່ວມສຸມທຸກກຳລັງແຮງຂອງທຸກຄົນ ທຸກພາກສ່ວນໃນໂລກ ໃນການຕໍ່ສູ້ເພື່ອລຶບລ້າງຄວາມອຶດຫີວ ເຖິງແມ່ນວ່າຫຼາຍປະເທດໃນພາກພື້ນ ອາຊີ-ປະຊິຟິກ ສາມາດບັນລຸເປົ້າໝາຍ ການລຶບລ້າງ ຄວາມອຶດຫີວ ໃນປີ 2016 ກໍ່ຕາມ ຢູ່ພາກພື້ນ ອາຊີ-ປະຊິຟິກ ຍັງມີປະຊາກອນ ຈຳນວນ 490 ລ້ານຄົນ ທີ່ຍັງປະສົບກັບບັນຫາຄວາມອຶດຫີວ ທີ່ເປັນບັນຫາຊໍ້າເຮື້ອ ຢູ່ໃນພາກພື້ນນີ້ ມີປະມານ 30 % ຂອງເດັກນ້ອຍທີມີອາຍຸ ຕໍ່າກວ່າ 1 ພັນວັນ ມີການເຕີບໂຕຫຼຸດເກນປົກກະຕິ ໃນເວລາດຽວກັນ ມີເດັກນ້ອຍ ປະມານ 18 ລ້ານຄົນ ມີນໍ້າໜັກ ເກີນເກນປົກກະຕິ ເຊິ່ງນັບມື້ນັບເພີ້ມຂຶ້ນ ໃນຫຼາຍໆປະເທດ ການຂາດສານອາຫານຍັງເປັນບັນຫາໃຫຍ່ ທີ່ຈະຈະຕ້ອງໄດ້ເອົາໃຈໃສ່ແກ້ໄຂຢ່າງຕັ້ງໜ້າ.
ສຳລັບ ສປປ ລາວ ແມ່ນໄດ້ກຳນົດຍຸດທະສາດ ພັດທະນາກະສິກຳ ຂອງ ສປປ ລາວ ຮອດປີ 2025 ແລະ ວິໃສທັດ 2030 ເຊິ່ງກວມເອົາ 3 ເສົ້າຄໍ້າ ຄື: 1 ກະສິກໍາ 2 ປ່າໄມ້ ແລະ 3 ພັດທະນາຊົນນະບົດ ແລະ ລຶບລ້າງຄວາມທຸກຍາກ ແລະ 4 ແຜນງານຫຼັກ ເຊັ່ນ: ແຜນງານຜະລິດສະບຽງອາຫານ ໃຫ້ມີຄວາມໝັ້ນຄົງ ແລະ ຄົບໂພຊະນາການ ແຜນງານຜະລິດກະສິກຳເປັນສິນຄ້າ ທີ່ໄດ້ທັງປະລີມານ ຄຸນນະພາບ ແລະ ສະອາດ ແຜນງານ ການຄຸ້ມຄອງປ່າໄມ້ ແລະ ຊັບພະຍາກອນປ່າໄມ້ ແບບຍືນຍົງ ແລະ ແຜນງານພັດທະນາຊົນນະບົດ ແລະ ລຶບລ້າງຄວາມທຸກຍາກ ພ້ອມດຽວກັນນີ້ ຍັງໄດ້ກຳນົດ 10 ແຜນດຳເນີນງານ ແລະ ໂຄງການຈໍານວນໜຶ່ງ ທີ່ມີຄາດໝາຍສູ້ຊົນ ຕົວຊີ້ວັດຈະແຈ້ງ ເຊິ່ງໄດ້ຖືກບັນຈຸເຂົ້າໃນ ແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII (2016-2020) ແລະ ໃນການສຳຫຼວດລາຍຈ່າຍ ແລະ ການບໍລິໂພດ (LECS 6).
ໂດຍຕອບສະໜອງຕາມຄຳຮຽກຮ້ອງ ຂອງເລຂາທິການໃຫຍ່ ອົງການສະຫະປະຊາຊາດ ໃນເດືອນ ມິຖຸນາ 2012 ທີ່ໃຫ້ທຸກປະເທດຢູ່ໃນໂລກ ຈັດຕັ້ງປະຕິບັດນະໂຍບາຍ ລຶບລ້າງຄວາມອຶດຫີວ ລັດຖະບານ ສປປ ລາວ ໄດ້ລິເລີ້ມຈັດຕັ້ງປະຕິບັດໂຄງການຄໍ້າປະກັນຄວາມໝັ້ນຄົງ ດ້ານສະບຽງອາຫານ ແລະ ຜະລິດເປັນສິນຄ້າ ໃນເດືອນພຶດສະພາ 2015 ໂດຍມອມໃຫ້ຄະນະກຳມະການແຫ່ງຊາດ ເພື່ອການຄໍ້າປະກັນຄວາມໝັ້ນຄົງດ້ານສະບຽງອາຫານ-ຜະລິດເປັນສິນຄ້າ ແລະ ຄະນະກຳມະການ ແຫ່ງຊາດ ເພື່ອໂພຊະນາການເປັນຜູ້ຊິ້ນຳໆພາ ແລະ ໃຫ້ກະຊວງກະສີກຳ-ປ່າໄມ້ ເປັນຜູ້ຈັດຕັ້ງປະຕິບັດ ຮ່ວມກັບ ບັນດາກະຊວງຂະແໜງການຕ່າງໆ ເຊິ່ງຂ້າພະເຈົ້າ ກໍ່ໄດ້ຮັບການສະໜັບສະໜູນ ຈາກ 3 ອົງການຈັດຕັ້ງ ສາກົນ ຄື: ອົງການອາຫານ ແລະ ການກະເສດ (FAO) ສະຖາບັນການເງິນ ເພື່ອການພັດທະນາກະສີກຳ (IFAD) ແລະ ອົງການອາຫານໂລກ (WFP) ສະນັ້ນ ເພື່ອບັນລຸຕາມຈຸດປະສົງ ແລະ ລະດັບຄາດໝາຍ ທີ່ກ່າວມາຂ້າງເທິງ ລັດຖະບານ ສປປ ລາວ ຕີລາຄາສູງ ຕໍ່ການສະໜັບສະໜູນ ຂອງ 3 ອົງການຈັດຕັ້ງສາກົນດັ່ງກ່າວ ໃນການຈັດຕັ້ງປະຕິບັດ ໂຄງການສະບຽງແຫ່ງຊາດ ແລະ ທີ່ໄດ້ສະໜອງຊ່ຽວຊານ ແລະ ວິຊາການໃນການແລກປ່ຽນບົດຮຽນ ແລະ ຄຳຄິດເຫັນດ້ານນະໂຍບາຍເສດຖະກິດກະສິກຳ ແລະ ນິຕິກຳ ພວກເຮົາຕີລາຄາສູງຕໍ່ການສະໜັບສະໜູນແຜນງານພັດທະນາກະສີກໍາທີ່ສຸມໃສ່ເດັກນ້ອຍ ແຕ່ມື້ກຳເນີດຈົນຮອດອາຍຸ 1 ພັນວັນ ແລະ ຕໍ່ການໃຫ້ບຸລິມະສິດ ຕໍ່ປະຊາຊົນທີ່ດ້ອຍໂອກາດ ແລະ ຂາດແຄນສານອາຫານຫຼາຍກວ່າໝູ່ ອີກປະການໜຶ່ງ ພວກຂ້າພະເຈົ້າ ມີຄວາມປິຕິຊົມຊື່ນ ຕໍ່ການສະໜັບສະໜູນ ໂຮງຮຽນ ກະສີກຳຊາວບ້ານ ເຊິ່ງມີສ່ວນຮ່ວມຂອງປະຊາຊົນ ແລະ ຜູ້ປະກອບການ ໃນປະຈຸບັນລັດຖະບານ ສປປ ລາວ ກໍາລັງປຸກລະດົມ ຊຸກຍູ້ໂຄສະນາ ແລະ ເຜີຍແຜ່ ຂໍ້ມູນ ຂ່າວສານ ເພື່ອໃຫ້ປະຊາຊົນຢູ່ຊົນນະບົດ ມີການປ່ຽນແປງທັດສະນະ ແລະ ພຶດຕິກຳຕໍ່ການບໍລິໂພກອາຫານ ເພື່ອປັບປຸງ ໂພຊະນາການໃຫ້ດີຂຶ້ນ ໂດຍການປະກອບສ່ວນ ຂອງຂະແໜງສາທາລະນະສຸກ ກະສີກຳ ສຶກສາ ແລະ ຄູ່ຮ່ວມພັດທະນາຫຼາຍພາກສ່ວນ.
ໃນລະດັບອະນຸພາກພື້ນ ໄດ້ຕີລາຄາສູງ ໃນການສະໜັບສະໜູນ ຂອງອົງການອາຫານ ແລະ ການກະເສດ ໃນການ ຈັດກອງປະຊຸມ ປຶກສາຫາລື ລະຫວ່າງ ປະເທດ ອາຊຽນ ກ່ຽວກັບ ການຄໍ້າປະກັນ ຄວາມໝັ້ນຄົງ ດ້ານສະບຽງອາຫານ ແລະ ວຽກງານໂພຊະນາການຄັ້ງທຳອິດ ໃນປີ 2016 ເພື່ອປັບປຸງຂອດການປະສານງານ ລະຫວ່າງ ບັນດາຂະແໜງການໃຫ້ມີຄວາມເຂັ້ມແຂງເປັນຕົ້ນ ຂະແໜງ ກະສີກຳ ແລະ ພັດທະນາ ຊົນນະບົດ ສາທາລະນະສຸກ ສຶກສາ ແລະ ແຮງງານ ແລະ ສະຫວັດດີການສັງຄົມ.
ໃນລະດັບພາກພື້ນ ເພື່ອບັນລຸເປົ້າໝາຍການລຶບລ້າງຄວາມອຶດຫີວຢ່າງສິ້ນເຊິງ ພວກເຮົາຕ້ອງເພີ່ມຜົນຜະລິດກະສິກຳໃຫ້ສູງຂຶ້ນ 2 ເທົ່າຕົວໃນປີ 2050 ເຊິ່ງຍັງເປັນສິ່ງທ້າທາຍ ອັນໃຫຍ່ຫຼວງ ພ້ອມດຽວກັນນີ້ ສະພາບການປ່ຽນແປງຂອງດິນຟ້າອາກາດທີ່ນັບມື້ຍິງຮຸນແຮງ ແລະ ຖີ່ຂຶ້ນຍັງເປັນສິ່ງທ້າທ່າຍຫຼາຍ ສະນັ້ນ ຕໍ່ບັນຫາດັ່ງກ່າວນີ້ ຂ້າພະເຈົ້າຕີລາຄາສູງ ທີ່ອົງການອາຫານ ແລະ ການກະເສດ ໄດ້ໃຫ້ການ ສະໜັບສະໜູນໂຄງການ ເອີ້ນວ່າ: “ປະສິດຕິພາບ ແລະ ການເຕີບໂຕ” (Save and grow). ຄຽງຄູ່ກັນນັ້ນ ຂ້າພະເຈົ້າເຫັນດີ ຕໍ່ການຜະລິດກະສີກໍາເປັນສິນຄ້າ ໃຫ້ມີຄວາມຫຼາກຫຼາຍ ໂດຍການຈັດສັນພັນພືດທີ່ຖືກເບິ່ງຂ້າມພືດພັນເຫຼົ່ານີ້ ແມ່ນມີຄຸນປະໂຫຍດທາງດ້ານໂພຊະນາການສູງ ແລະ ມີຄວາມທົນທານຕໍ່ກັບສະພາບການປ່ຽນແປງດິນຟ້າອາກາດ ແລະ ມີທ່າແຮງທາງດ້ານເສດຖະກິດສູງ ສາມາດຊອກໄດ້ຕາມທ້ອງຖິ່ນ ຕາມການສຶກສາ ແລະ ເກັບກໍາຂໍ້ມູນ ຂອງຊ່ຽວຊານອົງການ FAO ໃນທົ່ວໂລກ ມີການຄົ້ນພົບພັນພືດຫຼາຍກວ່າ 30 ພັນຊະນິດ ແຕ່ມີພຽງ 100 ພັນພືດ ເທົ່ານັ້ນ ທີ່ເປັນສານອາຫານ ແລະ ມະນຸດເຮົາບໍລິໂພກ ສະນັ້ນ ພວກຂ້າພະເຈົ້າຂໍສະໜັບສະໜູນການຈັດສັນພັນພືດ ທີ່ຖືກເບິ່ງຂ້າມເຫຼົ່ານີ້ ເຂົ້າໃນບັນຊີລາຍຊື່ “ອາຫານແຫ່ງອານາຄົດ” (Future Smart Food) ອັນເປັນເສັ້ນທາງໜຶ່ງ ເພື່ອກ້າວໄປສູ່ ການລຶບລ້າງຄວາມອຶດຫີວ ແລະ ໂພຊະນາການ ຢ່າງສິ້ນເຊິງ.
Hello, my name is Jack Sparrow. I'm a 50 year old self-employed Pirate from the Caribbean.
No comments:
Post a Comment