ທ່ານ ທອງສີ ພັນທະວົງ ຄະນະກໍາມະການກອງເລຂາ ຫົວໜ້າອະນຸກໍາມະການດ້ານເນື້ອໃນ ງານມະຫາກໍາກິລາແຫ່ງຊາດ ຄັ້ງທີ XI ໄດ້ຂຶ້ນກ່າວລາຍງານຈຸດປະສົງເປົ້າໝາຍຂອງກອງປະຊຸມ ແມ່ນເພື່ອໃຫ້ກໍາມະການທີ່ກ່ຽວຂ້ອງທີ່ເຂົ້າຮ່ວມ ຮັບຮູ້ ແລະ ເຂົ້າໃຈເຖິງ ສິດ ໜ້າທີ່ ພາລະບົດບາດ ຄວາມຮັບຜິດຊອບ, ແບບແຜນວິທີເຮັດວຽກ ແລະ ຮູບແບບການບໍລິຫານຈັດການ ຕ່າງໆ, ໂດຍສະເພາະຄວາມຮູ້ພື້ນຖານວຽກງານການເງິນ ງົບປະມານຂອງລັດ, ວິທີຕິດຕາມຈົດກ່າຍບັນຊີດ້ານການເງິນ, ການແນະນໍາແບບຟອມຕິດຕາມ ແລະ ກໍາກັບການປະຕິບັດໜ້າທີ່ຂອງບຸກຄະລະກອນ, ລະບົບການລາຍງານວຽກ, ຄົ້ນຄ້ວາສົນທະ ນາແຜນງົບປະມານຂອງກໍາມະການເປີດ-ປິດ, ງົບປະມານຂອງກໍາມະການໂຄສະນາ-ຂ່າວສານ ແລະ ການນໍາເອົາແຜນງົບປະ ມານການເງິນຂອງແຕ່ລະກໍາມະການໄປປັບປຸງແກ້ໄຂ ໃຫ້ຖືກຕ້ອງ ສອດຄ່ອງກັບລະບຽບຫຼັກການຂອງການເງິນ, ນອກນັ້ນຜູ້ແທນກອງປະຊຸມຍັງຈະໄດ້ຄົ້ນຄ້ວາສົນທະນາ ປຶກສາຫາລືກັນ ກ່ຽວກັບການຈັດຕັ້ງປະຕິບັດການຄຸ້ມຄອງບໍລິຫານວຽກງານການເງິນຂອງແຕ່ລະກໍາມະການ ໃຫ້ເຂົ້າກັບເພດານງົບປະມານທີ່ລັດຖະບານໄດ້ອະນຸມັດ.
ໂອກາດນີ້ ທ່ານ ບົວສອນ ສີນວນທອງ ປະທານກອງປະຊຸມ ໄດ້ໃຫ້ກຽດຂຶ້ນມີຄໍາຄິດຄໍາເຫັນ ພ້ອມທັງກ່າວລາຍງານໂດຍຫຍໍ້ກ່ຽວກັບພື້ນຖານໂຄງລ່າງໃນການກະກຽມຄວາມພ້ອມດ້ານຕ່າງໆໃຫ້ແກ່ງານມະຫາກໍາກິລາແຫ່ງຊາດຄັ້ງທີ XI ມາຮອດປະຈຸບັນມີຄວາມຄືບໜ້າຫຼາຍດ້ານ ເປັນຕົ້ນສະໜາມກິລາເປີດ-ປິດ ສໍາເລັດແລ້ວ 75% ຄາດວ່າຈະໃຫ້ສໍາເລັດ 100% ໃນເດືອນພຶດ ສະພາ 2018 ນີ້, ສ່ວນສະໜາມກິລາໂບລີ້ງ ສໍາເລັດແລ້ວ 100%, ສະໜາມກັອຟ໌ ສໍາເລັດ 95%, ສະໜາມບານສົ່ງໃນຮົ່ມ ສໍາເລັດ 74%, ສະໜາມເປຕັ໋ງໃນຮົ່ມ ສໍາເລັດ 74%, ສະໜາມຍິງປືນ ສໍາເລັດ 45%, ສະໜາມກິລາ ມວຍລາຍລາວ-ມວຍສາກົນ ກໍາລັງ ຈະລົງມືກໍ່ສ້າງ ເພາະມີສະຖານທີ່ຮອງຮັບໄວ້ແລ້ວ, ນອກນັ້ນ ສະໜາມກິລາບາງປະເພດກໍກໍາລັງສໍາຫຼວດອອກແບບ ແລະ ເລີ່ມລົງມືກໍ່ສ້າງເຊັ່ນດຽວກັນ ຄາດວ່າຈະໃຫ້ສໍາເລັດໃນໄວໆນີ້. ສໍາລັບຮ້ານອາຫານ, ສະຖານທີ່ພັກເຊົາຂອງຄູເຝິກ, ນັກກິລາ ແລະ ແຂກລະດັບຕ່າງໆ ຄາດວ່າຈະພຽງພໍ, ສ່ວນຖະໜົນຫົນທາງເຂົ້າສູ່ສະໜາມກິລາ ເປີດ-ປິດ ກໍກໍາລັງດໍາເນີນການກໍ່ ສ້າງ ຄາດວ່າຈະໃຫ້ສໍາເລັດໃນໄວໆນີ້. ນອກຈາກນີ້ ວຽກງານອື່ນໆທີ່ປິ່ນອ້ອມ ກໍໄດ້ເລັ່ງລົງມືປະຕິບັດຢ່າງເປັນລະບົບຕໍ່ເນື່ອງ ເພື່ອໃຫ້ທັນຕາມກໍານົດເວລາ.
ຂະນະດຽວກັນ ທ່ານ ບົວລານ ສີລິປັນຍາ ປະທານຮ່ວມກອງປະຊຸມ ກໍໄດ້ໃຫ້ກຽດໂອ້ລົມ ປະກອບຄໍາຄິດຄໍາເຫັນ ທ່ານໄດ້ເນັ້ນໜັກໃຫ້ການຈັດງານມະຫາກໍາກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງເປັນເຈົ້າພາບ ຈົ່ງເປັນແບບຢ່າງທີ່ດີໃຫ້ແກ່ການຈັດງານມະຫາກໍາກິລາແຫ່ງຊາດຄັ້ງຕໍ່ໄປ ໂດຍຖືເອົາດ້ານເນື້ອໃນເປັນຕົ້ນຕໍ ແລະ ນໍາໃຊ້ງົບປະມານຢ່າງປະຢັດ, ພ້ອມດຽວກັນນັ້ນ ກໍໃຫ້ເອົາໃຈໃສ່ 04 ບັນຫາຄື: ທັດສະນະ, ຄວາມເອກະພາບ, ຄວາມເຂົ້າໃຈ ແລະ ປະຢັດມັດທະຍັດ ເພື່ອເຮັດແນວໃດໃຫ້ງານອອກມາມີປະສິດທິຜົນ ແລະ ມີຜົນສໍາເລັດ, ທ່ານ ບົວລານ ສີລິປັນຍາ ຍັງໄດ້ຮຽກຮ້ອງໃຫ້ບັນດາກໍາມະການທີ່ຮັຍຜິດຊອບແຕ່ລະໜ້າວຽກ ຈົ່ງພ້ອມກັນເອົາໃຈໃສ່ເຮັດໜ້າທີ່ດ້ວຍຄວາມຮັບຜິດຊອບສູງ, ມີລະບົບແບບແຜນວິທີເຮັດວຽກທີ່ລະ ອຽດຈະແຈ້ງ, ໂປ່ງໃສ ສາມາດກວດສອບໄດ້, ພ້ອມກັນສົນທະນາແລກປ່ຽນບົດຮຽນຢ່າງກົງໄປກົງມາໃຫ້ເອກະພາບກັນ ເພື່ອເຮັດແນວໃດໃຫ້ກອງປະຊຸມດໍາເນີນໄປມີຜົນສໍາເລັດ ແລະ ໄດ້ຮັບຜົນດີ.
No comments:
Post a Comment