ເສຍໃຈນຳ! ລົດໃຫຍ່ເສຍຫຼັກຕຳເສົາໄຟເຍືອງທາງ ບາດເຈັບສາຫັດ 1 ຄົນ ແລະ ເສຍຊີວິດຄາທີ່ 1 ຄົນ

ສະມາຄົມອາສາ ກູ້ໄພ ນະຄອນຫຼວງວຽງຈັນ ແຈ້ງເຫດສຸກເສີນ ໂທ 1624 ລາຍງ່ນວ່າ: ໃນວັນທີ 13/4/2018 ເວລາປະມານ 17:30 ໂມງ ໄດ້ຮັບແຈ້ງເຫດເຂົ້າເບີສຸກເສີນ 1624 ວ່າມີລົດໃຫຍ່ເສຍຫຼັກຕຳເສົາໄຟເຍືອງທາງ ຢູ່ບ້ານ ໂນນທອງ ເມືອງ ໄຊທານີ ນະຄອນຫຼວງວຽງຈັນ.

ດັ່ງນັ້ນໜ່ວຍກູ້ຊີບ-ກູ້ໄພ ນະຄອນຫຼວງຈຶ່ງອອກກວດສອບເຫດ ພົບເຫັນຜູ້ບາດເຈັບ 1 ຄົນເປັນເພດຍິງ ເຊິ່ງມີອາການໝົດສະຕິ, ກະທົບຫົວຢ່າງຮຸນແຮງ, ເສຍເລືອດຫຼາຍ ແລະ ຢຸດຫາຍໃຈ.

ດັ່ງນັ້ນ ໜ່ວຍກູ້ໄພນະຄອນຫຼວງຈຶ່ງໄດ້ທຳການປໍ້າຫົວໃຈ CPR ຢ່າງສຸດຄວາມສາມາດ ແຕ່ກໍບໍ່ສາມາດຢື້ຊີວິດຂອງຜູ້ກ່ຽວໄວ້ໄດ້, ສະນັ້ນພວກເຮົາຈຶ່ງໄດ້ເກັບມ້ຽນຄາບສົບ ແລະ ນຳສົ່ງໃຫ້ພີ່ນ້ອງເຮັດພິທີຕາມສາສະໜາ. ສ່ວນຜູ້ບາດເຈັບສາຫັດນັ້ນແມ່ນພີ່ນ້ອງນຳສົ່ງໂຮງໝໍເອງ.

ພົບເຫດສຸກເສີນແຈ້ງ 1624 ເບີດຽວໃນນະຄອນຫຼວງວຽງຈັນ. ທ່ານສາມາດບໍລິຈາກເຂົ້າບັນຊີ ສະມາຄົມອາສາກູ້ໄພນະຄອນຫຼວງວຽງຈັນ ໂດຍລະບຸການບໍລິຈາກ ທະນາຄານ ການຄ້າຕ່າງປະເທດລາວ ມະຫາຊົນ ບັນຊີ; THE ASSOCIATION OF VOLUNTARY RESCUE VIENTIANE ເລກບັນຊີ: LAK0101200າ00993902001 ເບີໂທຕິດຕໍ່ 020 2244 1624